3burar.com

já það er ekki laust við það að maður þurfi að hafa fataskipti eftir hverja einustu máltíð á þessum bæ.  Hér er frussað óspart og er Hlini Snær duglegastur í þeim efnum og hlær svo svakalega þegar matarsletturnar frussast um allt að maður á bara erfitt að halda andliti fyrir framan hann, enda þá allur orðinn út í matarslettum!  Og yfirleitt er svona “beljueffekt” á þessu, þegar einn byrjar þá byrja allir, frekar skemmtilegt allt saman.  En hvað um það, mamman gefst sko ekki upp segjir að þetta meigi ekki og heldur ótrauð áfram að moka upp í þau.

Annars bakaði ég góðan skammt af norskum skólabollum í fyrradag sem að Karítas Ísold er gjörsamlega sjúk í.  Hún elti mann um allt “nammi namm” og heimtar meira.  Pabbinn á heimilinu er ekki minna glaður í bollurnar.  Talandi um bakstur þá fer bráðlega bara að líða að Sörubakstri, hugsa að ég þurfi að baka vel af þeim núna enda verður fullt hús hér um jólin!   

Amma Brynja og afi Jómbi verða hér ásamt Kolla og Önnu, það hrikalega gaman, ekki laust við að það sé að byrja bara tilhlökkun til jólanna :)  

Krakkarnir eru orðin svakalega dugleg í sundinu og erum við búin að skrá þau á framhaldsnámskeið eftir jól.  Þar sem að Jörgen frændi er svo góður við okkur að nenna að koma með okkur áfram :) 

Jæja þetta er nóg í bili………Heisan

Já þessi færsla verður þá tileinkuð krökkunum, þar sem að ég er búin að smella inn myndum frá september og Október mánuði.

Karítas Ísold hlítur verðlaun þessa viknuna, þar sem hún er byrjuð að skemmileggja mest.  Hún er byrjuð að skreyta borðin hjá okkur með tönnunum sem er mjög spennandi.  Á tímabili var hún bara eins og naggrís út um allt, það mátti ekki líta af henni.  En það nýjasta var að Pabbi hennar þurfti að pissa og rétti henni símann sinn á meðan til að leika með.  Nema hvað henni fannst hann ekki meira spennandi en það að hann fór ofaní klósettið meðan pabbinn sprændi í það, hressandi ekki satt! 

En annars eru allir bara hressir og kátir, Karítas Ísold labbar meðfram öllu en strákarnir skríða bara á milli og standa bara aftur upp.  Hér er voða mikið stuð stuð á daginn.  Þau eru enn að taka 2 lúra á daginn, frá 9 - 11 og svo frá 13 - 15.

Þau fóru í 10 mánaða skoðun fyrir tæpum mánuði(16.10) og staðan var þá eftirfarandi

• Hlini Snær 9.135 kg og 72 cm, höfuðummál 46,3 cm
• Birkir Smári 8.975 kg og 71,5 cm, höfuðummál  46 cm
• Karítas Ísold 8.000 kg og 67 cm, höfuðummál 43,6 cm

Annars eru þau byrjuð að fá fisk sem að við stöppum samviskusamlega ofaní þau, það er dálítið síðan þau byrjuðu að borða kjöt.

Heyrumst, lofa að blogga oftar núna

Já það er orðið allt of langt síðan ég skrifaði hér síðast, þannig að þessi færsla verður tileinkuð fullorðna fólkinu

Já hvað varðar vinnu hjá mér þá missti ég vinnuna, sem að ég bjóst svo sem við.  Ég var með samning við Kaupþing hér í Noregi en hafði aldrei unnið fyrir þá heldur bara Ísland.  Og þegar kemur að uppsögnum þá segir það sig sjálft að maður lætur fyrst fólkið fara sem maður þekkir ekki, hefur unnið styðst o.s.frv.  þar með var ég efst á lista hvað varðar marga hluti.  En hvað um það, eitthvað nýtt og skemmtilegt tekur við.  Ég klára mitt fæðingarorlof fer svo á uppsagnafrest og fæ svo sumarfrí.  Ég stefni því á að byrja að vinna aftur í September á næsta ári.  Þá verða krakkarnir komnir á leikskóla og heimilishaldið því örlítið léttara hvað það varðar.

Við erum búin að vera á fullu að græja hér ofna, við keyptum nýjan viðarofn til að setja upp í stofuna og settum þann gamla niður, þessi vinna er búin að taka frá því í sumar.  Þá hjálpuðu mamma og pabbi okkur við að losna við ógeðslega parafín ofninn sem var niðri.  En núna er komin viðarofn niður sem kveikt var upp í, í morgun.  Hrikalega notalegt.  Ætli við kveikjum ekki upp í ofninum uppi við pomp og prakt í kvöld!

Í gær var ég svo að búa til krækiberjachutney, hrikalega gott!  Agnes systir var svo góð við mig að tína ber fyrir mig og senda mér út með mömmu og pabba þegar þau komu.  Núna eru þau bara komin niður í krukkur ásamt plómum frá spáni, góð blanda.  

Það virðist ganga eins og flóðbylgja að vera óléttur þessa dagana. 

• Jón Smári frændi minn og Íris kærasta hans eiga von á sínu fyrsta barni
• Eivor vinkona og Alex eiga von á sínu öðru barni
• Gunnare og Laufey eiga von á sínu fyrsta barni eftir örfáa daga
• Snjólla og Nonni eiga von á sínu fyrsta barni (á afmælisdaginn minn, takk!)

Ég óska ykkur öllum innilega til hamingju.

Ása sem hefur svo mikið að gera, en lofar að blogga oftar

Já það er ekki laust við að það séu skrítnir tímar núna, allt í upplausn heima og ég veit ekki hvort ég hef vinnu í nýjum banka.  Ég tilheyri kaupþingi í Noregi og satt best að segja býst ég við uppsögn.  Þar sem að ég vann þar í 1 mánuð í fyrra og þá bara fyrir Ísland þannig að þegar að starfsmannastjórinn í Noregi fer að velta fyrir sér hverjum hann á að halda og hverjum hann á að sleppa þá hugsa ég að ég sé ofarlega á sleppa listanum.  En ég er að vona að ég haldi þá mínum réttindum, þar að segja að það verði ekki hægt að segja mér upp í fæðingarorlofi!  og að ég haldi þá launum til Maí á næsta ári.  En þetta kemur allt í ljós á næstu dögum, hef enn ekki náð sambandi við starfsmannastjórann hér í Noregi.

En að einhverju öðru :)  Mamma og Pabbi eru að koma í heimsókn og verða í 1 viku, þar sem að mamma er búin að selja fyrirtækið sitt þá verður hún kannski bara tíður gestur hingað, maður veit aldrei.

Krakkarnir eru að fara í 10 mánaða skoðun á morgun, og það verður fróðlegt að sjá hvað þau eru orðin stór.  Síðustu helgi byrjaði Birkir Smári að skríða eins og herforingi og helgina þar áður var það Hlini Snær.  Þannig að núna eru allir komnir á flakk og byrjaðir að skoða í skúffur og annað slíkt, ferlega gaman.   

Jæja ég læt ykkur vita þegar ég veit eitthvað meira um framhaldið…….kveð að sinni 

Jæja tíminn flýgur og krakkarnir eru að verða 9 mánaða núna á laugardaginn, magnað hvað þetta er búið að vera fljótt að líða.  Héðan er allt fínt að frétta, Karítas Ísold er farin að stranda upp við allt og skríða eins og herforingi um öll gólf.  Við máttum lækka rúmin þeirra allra þar sem að hún var farin að vera standandi þegar við komum inn í herbergið.  Strákarnir eru alltaf í einhverjum kíkjuleikjum svaka stuð, kíkja hér kíkja þar og allir hlæja.

Allavegana ætlaði bara að láta vita af því að ég er búin að henda inn myndum frá ágúst mánuði

Heimsóknartíminn er líðinn, við erum búin að vera með ágætis heimsóknarhrinu hjá okkur og hefur það bara verið gaman.  Amma Brynja og Jómbi afi voru hjá okkur í tæpar 3 vikur það var notalegt.  Síðan strax í kjölfarið kom Teddi og Guðbjörg til okkar frá Lundi, ferlega gaman og fórum við á túristastaði með þeim, tíndum ávexti af trjám og létum fara vel um okkur.  Þar sem að við erum bara orðin 5 manna fjölskylda aftur þá var ekki seinna en vænna að skella sér á Au pair stúlku, hún heitir Anusha og er 30 ára frá Sri Lanka.  Hún er alveg frábær með krakkana, klár og skemmtileg stelpa sem er síbrosandi.  Biggi byrjaði að vinna 1.sept þannig að við urðum að fá einhvern til að hjálpa mér með krakkana. 

Af okkur er annars allt gott að frétta.  Strákarnir eru enn í afturá bak gír en Karítas Ísold fer áfram eins og herforingi.  Hér eru allir farnir að sitja og strákarnir skemmta systur sinni með því að klappa saman höndunum.  Birkir Smári er að fá 2 neðri tennur, enda slefar hann ágætlega með því, hann er líka farin að kalla MAMMA!  Strákurinn að bræða móður hjartað :)  Hlini er búin að vera ansi slæmur af þurrki í húðinni í 2 vikur og ætla ég að fara með hann til læknis í fyrramálið, læknirinn sem er heimafyrir er sjálfur sjúkur upp í rúmi núna.  Hann er með ljótan hósta, hita og hálsbólgu eða það sem að sumir myndu kalla það “Man cold“.

Biggi er núna á fullu að reyna að finna lítin bíl til að druslast í vinnuna á og haldiði ekki að hann hafi farið og prufukeyrt rafbíl í gær!  Hefði viljað sjá það.  Engvir gírar eða hjóð bara petalar og svo snír hann víst við á punktinum liggur við. 

Ég er síðan að vinna í því að koma myndum inn, klára það einhverntíman í vikunni. Jæja ég er farin upp í rúm að hitta lazarus.  

Krakkarnir eru alveg að verða 8 mánaða og í tilefni af því fóru þau í skoðun upp á heilsugæslu.  Eins og ávallt komu þau glymrandi vel út.

• Hlini Snær 8.200 kg og 70 cm
• Birkir Smári 8.300 kg og 70 cm
• Karítas Ísold 7.450 kg og 65 cm

Karítas Ísold tók sem sagt stökk inn í kúrfuna, hún hafði áður bara dansað á neðstu línunni en núna er hún komin inn í kúrfuna, litli skæruliðinn!

Hér er margt að gerast og bíðum við spennt eftir að Karítas Ísold byrji að skríða áfram, hún gerir öfugt V með líkamanum, stendur á tám og fer á 4 og juggar sér þar fram og aftur.  Hún settist meira að segja sjálf út á miðju gólfi um daginn.  Þá var hún búin að íta sér út á mitt gólfið og sat þar eins og prímadonna.  Strákarnir eru aðeins á eftir systur sinni í þessu en þeir eru líka að reyna að fara áfram.

Mikill sorgardagur var í dag, pelinn var tekinn af þeim.  Nú fá þau bara að drekka úr stútkönnum…….Hér er sem sagt búið að vera grátur og gnýstan tanna í dag (eða a.m.k. hjá Karítas, strákarnir enn tannlausir).  En annars eru krakkarnir voðalega glöð og kát og sérstaklega ef þau fá ávöxt á fæðunetið sitt.  Hlini Snær verður vitlaus þegar ég tek það af honum, orgar eins og honum hafi ekki verið gefið að borða í fleiri sólarhringa.  Svo er líka voða sport að lemja því í borðið….aðeins að búa til hávaða og skemma borðið hennar mömmu

Á morgun er svo stefnan tekin á Osló nú á að sína Jómba og Brynju höfuðborgina.  Ætli það verði ekki hresst með krakkana organdi á stútkönnurnar sínar.

Annars voru Afi Guggi og amma Mæja hérna í byrjun ágúst og höfðu svakalega gaman af og við líka.  Krakkarnir fengu líka svo fína 66°N galla frá þeim sem þau eru byrjuð að nota, veðrið hefur ekki verið upp á sitt besta.

Ég byrjaði svo að æfa í dag, það verður fyndið að sjá þegar ég fer að fara með þríburana í pössun í ræktinni :)  En æfingastöðin mín er í Sandvika Storsenter þannig að það er ekki langt að fara og svaka fín stöð svona í WC klassa.  Tók þríhöfða og bak í dag….spurning hvernig ég verð af sperrum á morgun.

Já nærri búin að gleyma því, við erum á fullu að leita okkur að au pair (því miður), það er ekkert annað í stöðunni.  Erum að skoða stelpur frá Thai og Philipino, þær eru svo duglegar og ég held að þær verði ekki mikið í því að hanga yfir okkur á kvöldin.  Biggi byrjar að vinna 1.sept og þá þurfum við fljótlega að fá einhverja stelpu því frá 1.sept verð ég annars ein með krakkana!!!!!

 Jæja ég ætla að skella mér í bólið enda allir löngu farnir þangað.  Osló kallar snemma í fyrramálið! 

Jæja ég er búin að skella inn myndum frá Júlímánuði, þið getið kíkt á það hér. 

Farin að sofa enda klukkan mín 3 og krakkarnir vakna eftir 4 tíma, kem síðan inn Ágústmyndum á næstu dögum hef bara ekki meiri orku.

Góða nótt 

Já hér er eitthvað nýtt að gerast á hverjum degi…

Fyrsta tönnin leit dagsins ljós í dag, foreldrana til mikillar undrunnar.  Karítas Ísold er komin með 2 tennur í neðri gómi og hefur ekkert kvartað eða slefað þannig að þessi fundur kom á óvart, stelpan er hraust eins og mamma sín , grætur ekkert undan einhverjum tönnum sem eru að ryðja sér upp.  Við þennan fund var farið að kíkja upp í strákana…..nei nei ekkert þar, þeir taka þessu bara rólega, enda nægur tími í tanntöku.

Hlini Snær er byrjaður að ýta sér aftur á bak, hann snéri sér yfir á mallan fyrir 1 viku og er strax byrjaður að ýta sér aftur á bak, hann hefur sennilega lært það af systur sinni, skriðdrekanum í hópnum, enda er hún búin að vera að því lengi.  Hún er komin upp á 4 fætur og juggar sér fram og aftur þannig að það verður ekki langt í að skvísan fari að skríða áfram.  Birkir Smári byrjaði svo að ýta sér aftur á bak í dag, hann er reyndar búin að vera lengi á mallanum eins og systir sín en hefur látið sér nægja að snúa sér í hringi, en ekki lengur fyrst að Hlini Snær er komin á ról, þá fara bara allir á ról.

Karítas Ísold er farin að sitja eins og hefðardama, Bræðurnir eru enn dálítið valtir.

Krakkarnir eru farnir að fá mat 2 sinnum á dag, grauta og mauk, og það hefur sínar afleiðingar…..á góðum degi skiptum við á 9 kúkableium á dag, hressandi :) 

Jæja ég er að vinna í að koma inn myndum og fullt af þeim…..læt vita þegar þær koma inn…..vonandi næ ég því í kvöld :)  Enda margir farnir að bíða nefni samt engin nöfn.

Já það er langt síðan síðasta færsla fór inn, enda búið að vera mikið að gera! 

Já kvefið var ekki lengi að ganga hringinn, daginn eftir voru Hlini Snær og Birkir Smári komin með hita og hor í nös, ferlega gott að hafa aukahendur þá, en þá fóru náttúrulega gestir okkar í sumarbústað til Gumma bróður.  Þannig að við ræstum út Gunn-Sofiu frænku.

Agnes systir, Einar og Laufey Ása voru hér í 3 vikur að hjálpa okkur og stóðu sig með stakri príði.  Margt var gert með Agnesi og co,  við fórum misheppnaða ferð á jarðaberjaakur, enn verri ferð á hindberjaakur þar sem köttur beit mig til blóðs og fá ber í körfu, auðvitað var farið í smyglferð til Svíþjóðar til að fylla frystinn, fyrsta ferð okkar til Oslóar með krakkana og svo lengi mætti telja.

Eftir heimsókn þeirra komu Mamma og Pabbi og voru hér í tæpar 3 vikur, yndislegur tími…..eða á ég að segja hörku púl.  Mamma og pabbi voru að hjálpa okkur við að laga húsið, það er alltaf nóg að gera.  Rústuðum ógeðslegum skáp og tókum út parafín  olíuofn, þvílík vinna.  Komum svo upp hrikalega flottum skáp þar sem nóg er af plássi og engin olíufýla.  Pabbi setti fyrir okkur rafmagn í annan bílskúrinn okkar, og lagaði götin á veggnum inn í gestaherbergi eftir hinn rafvirkjann, bætti við tenglum inn í eldhúsið, smíðaði smá pall fyrir framan útidyrahurðina, olíubera pallinn og garðhúsgögnin eftir mikinn hita var mikil þörf á því.  Þess á milli var pabbi að sleika sólina og líkaði vel þessi svakalegi hiti.  Aumingja gömlu hjónin fóru heim eins og undnar tuskur

Næsta blogg verður farið yfir framför krakkana……..